إعفاء كلي للضريبة لأصحاب الأجور أقل من 3 مليون سنتيم

  تقديم شرح مبسط لكيفية الحساب الجديد للأجور في الجزائر 2022. و المقارنة مع المدخول السابق و الزيادة المرتقبة . كما أن هذه الحسابات لم يتم إعتبار رفع النقطة الإستدلالية من عدمها .

الجدول أسفله هو لحساب النسب السنوي ، سأحسب الحساب الشهري ليكون أسهل :

لا يتجاوز 20000 دج = 0% اقتطاع 

بين 20001 دج و 40000 دج = 23%

بين 40001 دج و 80000 دج = 27% 

الباقي لا يهم أغلب الموظفين 

يجب أن تتذكر أن الضريبة على الدخل الإجمالي تقتطع من الدخل الإجمالي salaire imposable و في بيان الأجرة fiche de paie تجد الدخل الإجمالي قبل الإقتطاع brut و ليس الصافي net 

مثلا : من أجره 41000 دج يكون الأجر الخاضع للضريبة حوالي 50000 دج إذن الضريبة حوالي 9000 دج  في القانون القديم وهذا رقم تقريبي و يقدر كل واحد يشوف IRG  تاعو في fiche de paie  تاعو 

الان سنحسب الضريبة على النحو التالي :

? تحت 20000 دج غير خاضع للضريبة 

? من 20001 دج إلى 40000 دج ضريبتها 23% يعني 

19999 دج  في 23% = 4599 ، نديروها 4600 دج بالتقريب ليسهل الحساب 

? من 40001 دج  إلى 50000 دج ضريبتها 27% يعني 

9999 دج في 27% =2699 نديروها 2700 دج 

إذن الضريبة على الدخل هي 

0 دج يدوها من  20000دج اللولة 

4600 دج يدوها من زوج ملاين لربعة ملاين الثانية 

2700 دج يدوها من الرابعة ملاين حتى للخمسة ملاين اللي هي الأجر الخاضع للضريبة تاعك ( إذا كان ستة ملايين و نص  مثلا تحسب من 4 ملاين  ل 6.5 يعني زوج ملاين و نص في نسبة تاع  27% ) و كل واحد على حساب أجره الكامل واش كاين فور ربعة ملاين 

✅ 0+4600+2700=  7300 دج 

كاين وحد التخفيض تاع 40% دايرينو للشهارين ، وهو يهم الموظفين على أن يكون التخفيض بين 1000 و 1500دج مهما خرجت النسبة ، يعني اذا خرجت التخفيض 1200دج مثلا راح تنقص من الضريبة 1200دج ، بصح اذا خرجت 2500 دج  مثلا راح ينقصو برك 1500 دج 

7300 في 40% = 2920 دج إذن نقصو غير 1500 دج 

✅7300- 1500 = 5800 دج 

? 5800 دج هي الضريبة على الدخل الإجمالي المقتطعة الجديدة ، و كانت في القانون القديم حوالي 9000 دج ، كان يخلص 41000 دج صافي يرجع يخلص 44200 دج 

إذن راح يستفيد من حوالي 3200 دج شهريا جراء تخفيض الضريبة على الدخل 

ملاحظة : اللي أجره الخام أقل من 3 ملاين مايخلص والو عندو إعفاء كلي 

اللي بين 3 ملاين و 3 ملاين ونص عندو معادلة خاصة بيه ، 

المعاقين و المتقاعدين اللي أجرهم الخام بين 3 ملاين و 4 ملاين و 250 ألف عندهم حساب خاص بهم أيضا 

الحساب اللي حطيتو يخص اللي أجره الكامل 3 ملاين و نص للفوق( منقول -بقلم : Djalal Nekkar جلال نكار)